Paratoi ar gyfer gwaith gyda Clwb Swyddi Engage to Change

Yn ddiweddar mae partner Engage to Change, ELITE Supported Employment, wedi cyflwyno’r ‘clwb swyddi’ yn ne Cymru, cyfle ar gyfer cyfranogwyr y prosiect sydd ddim mewn gwaith ar hyn o bryd i gael cyswllt gyda’n cynghorwyr cyflogaeth a paratoi ar gyfer gwaith.

“Yn bendant mae wedi fy helpu i feddwl am beth ydw i eisiau gwneud,” meddai Harri, 24, o Gaerdydd. “Rwy wedi bod yn mwynhau’r sesiynau yma ac mae pethau’n mynd yn dda. Rwy’n edrych ymlaen at gael mwy o annibyniaeth a sgiliau pan rydw i’n dechrau gweithio.”

Mae Harri wedi bod yn mynychu’r clwb swyddi ym Mhontypridd am gwpl o fisoedd, yn elwa o sesiynau un-i-un rheolaidd gyda cynghorwr cyflogaeth Sian Blowers o ELITE Supported Employment wrth iddo weithio tuag at ymweliadau â’r gweithle a treialon gwaith yn yr wythnosau sydd i ddod. Yn ei sesiynau gyda Sian, maen nhw wedi gweithio trwy ei diddordebau, ei cymwysterau, a’i profiad wrth i Harri ddatblygu ei syniadau ynglyn â’r hyn yr hoffai ei wneud yn y dyfodol. Mae clwb swyddi hefyd yn cwmpasu adeiladu CV, hyfforddiant cyfweliad, hyfforddiant teithio, a cymorth i chwilio am swyddi. Ar prosiect prysur gyda galw mawr, mae’n cadw pobl ifanc i ymgysylltu a paratoi ar gyfer y gweithle yn hytrach nag ar restr aros.

Mae Harri’n chwarae’r cornet, y piano, ac mae ganddo diddordeb mewn nifer o offerynnau eraill. Astudiodd cerddoriaeth yn y coleg, ac mae ei diddordebau a’i profiad yn meddwl ei fod yn awyddus i weithio mewn lleoliad cerddorol. Mae Sian wedi bod yn cefnogi Harri i edrych mewn i’r cyfleoedd all fod ar gael iddo yng Nghanolfan y Mileniwm, Coleg Cerdd a Drama Brenhinol Cymru, a’r Globe, ymysg lleoliadau arall o ddiddordeb.

Mae Sian Blowers yn credu bod cyfarfodydd un-i-un y clwb swyddi yn cam gyntaf buddiol mewn i waith ar gyfer bobl ifanc Engage to Change gan ei fod nhw’n digwydd y tu allan i’r cartref ac yn gweithredu fel ffordd i fagu hyder cyfranogwyr cyn dechrau cyflogaeth. Yn yr un modd â phob agwedd arall ar y prosiect Engage to Change, mae’r clwb swyddi yn hyblyg, yn canolbwyntio ar yr unigolyn ac wedi’i deilwra i anghenion unigol – amlder a hyd y sesiynau, faint o waith sydd ei angen, a’r math o gefnogaeth sydd ei hangen. Mae Sian a’r cynghorwyr cyflogaeth arall sy’n rhedeg y clybiau swyddi yn creu cynllun gweithredu unigol i’w ddilyn gan bob cyfranogwr.

Mae clwb swyddi yn rhoi Harri a cyfranogwyr Engage to Change arall y lle, yr amser, a’r gefnogaeth i archwilio eu hopsiynau a sicrhau pan fyddant yn cael eu paru â lleoliad gwaith, mai hwn yw’r un iawn ar eu cyfer nhw. Gyda help y clwb swyddi, maent yn barod am heriau posibl fel ceisiadau swydd, cyfweliadau, a theithio i’r gweithle. Mae clybiau swyddi yn rhedeg mewn lleoliadau ledled De Cymru fel Pontypridd, Caerdydd, a Mynwy yn wythnosol, gyda phobl ifanc yn mynychu trwy gydol y dydd ar gyfer apwyntiadau bob awr gyda chynghorwyr cyflogaeth.